➖سەرەکیترین مەرجەکانی بە ئەندامبوون لە یەکێتیی ئەورووپا ئەمانەن:
– رێزگرتن لە دیموکراسی. پێویستە حکومەتی وڵاتەکە لە ڕێگەی هەڵبژاردنی شەفافەوە هەڵبژێردرابێت و بە جۆرێک بێت کە یەکێتیی ئەورووپا هیچ سەرنج و تێبینییەکی لەسەر نەبێت.
– سەروەریی یاسا. پێویستە وڵاتەکە دەستوور و یاسایەکی کارای هەبێت و بە یەکسانی و دادپەروەری بەسەر هەموواندا جێبەجێ بکرێن.
– پێویستە وڵاتەکە هەموو یاساکانی یەکێتیی ئەورووپا پەسند بکات و جێبەجێیان بکات، لە نێویشیاندا، بەکارهێنانی یۆرۆ وەکوو دراوی فەرمی.
– رێزگرتن لە مافەکانی مرۆڤ. پێویستە وڵاتی بەربژێر مافەکانی مرۆڤ پێشێل نەکات و رێز لە کەمینەکان بگرێت و هەموو مافەکانیان دەستەبەر بکات.
– هەروەها پێویستە وڵاتی بەربژێر ئابوورییەکی چالاکی هەبێت و توانای کێبڕکێی لە بازاڕی یەکێتیی ئەوروپا هەبێت.
– پێویستە وڵاتی بەربژێر، کە لێرەدا ئۆکراینایە، بڕێک پارەی دیاریکراو بە یەکێتیی ئەورووپا بدات، کە دوایی لەسەری رێک دەکەون.
