ەیامنێری رووداو لە دوایین سەنگەری پێشمەرگە لە سنووری شارۆچکەی تازە لە سنووری کەرکووک رایگەیاند، زانیاری ئەوە بە پێشمەرگە دراوە کە زۆربەی چەکدارانی داعش لە سنووری بەشیر و شارۆچکەی تازە ترساون و کشاونەتەوە، بەشێکیشیان هەڵاتوون، فەرماندەیەکی پێشمەرگەش هەواڵەکەی پشتڕاستکردەوە.
نەقیب ئیحسان رەشید، فەرماندەی سریەی سێی فەوجی دووی لیوای یەکی پیادەی کەرکووکی پێشمەرگە بە تۆڕی میدیایی رووداوی راگەیاند: “زانیارییەکە سەت لە سەت راستە، زۆربەیان هەڵاتوون، نیوەشیان دەڵێن ئەو شەڕە دروست نییە و ئێمە شەڕناکەین”.
ئیحسان رەشید راشیگەیاند: “خۆیان دەزانن خەڵکیان لەگەڵ نییە، هەر هێزێکیش بۆ هەر شوێنێک بڕوات میللەتی لەگەڵ نەبێت سەرکەوتوو نابێت، کاتێک دەبینن مەعنەویاتی پێشمەرگە لە ئاسمانە، ناوێرن بەرامبەرمان بووەستن و شەڕبکەن، دڵنیاتان دەکەمەوە شڕ رووبدات کارێکی وایان پێدەکەین تەنانەت ناتوانن جلوبەرگەکانیشیان ببەنەوە”.
