نەورۆز هێمای نوێبونەوە و ژیانە
زانیار عەبداڵی
بۆ ئێمەی کورد و بەشێکی هەرە زۆری گەلانی ناوچە نوێبونەی ساڵ و نەورۆز سەلمێنەر و وەبیرهێنەری ئامانج گەلێی واتە دار و پر مەفهومە کە بون دەسەلمێنی.
نەورۆز وەک جێژنێکی لە مێژینە و بەردەوام خاوەنی گەلێک مەفهومی جوان و شوێن دانەرە کە لەگەڵ تێپەرینی کات بەرۆژ بۆتەوە و توانیوێتی پێشەنگ بونی خۆی وەک ناسنامەیەکی مێژوی بپارێزێ و پیرۆزی خۆی لەگەڵ زەمانە جیاوەزەکان بگونجێنێ.
لە سەردەمی ئێستا و لە جیهانێ چکۆلە بووی تێکنۆلۆژیا و پڕدەنگی فرەرەنگ جێ خۆیەتی نورۆز بکرێتە هێمای بونێکی پڕواتا .بون بەواتەی خۆشەویستی و نوێبونەوە بۆ ژیان و پاراستنی سەرچاوەکانی بەخشێنەری ژیان.
بۆ ئێمەی کورد لە مێژودا نەورۆز بۆتە هەوێنی ڕاپەرینی کاوە و بە چۆک داهێنانی زوحاکی خوێن رێژی خوێنمژ و ئازادی و خۆیی بون دەرئەنجامی ڕاپەرێنی کاوە.
لە نەوروزی ئەم سەردەمەش کاوە تاکی هوشیارە لە بەرانبەر فاکت و خەسارە شوێن دانەر و جیاوازەکان.بەڵام لەسەردەمێکی جیاواز تر و پڕۆڕاڵ.
کاوەی ئێستا تاکی خەم خۆرە و بەهەڵوێست بۆ پاراستنی مەفهومەکانی نەورۆز.
کە وابو ژیانی ئێمەش تێکەڵێکە لە گەڵ سروشتێکی نەورۆز خوڵقێن .ئەم سروشتە و ژینگەیەی کاوەی سەردەم تێدا پەروردە دەبی دەبێت کاوە ئاساش بو پاراستنی حەول بدەین. لەم ڕەهەندەوە نەورۆز ژیانە و پارستنی ژیان ئەرکی کاوەی سەردەمە.
لەلایەکی دیکەوە زوحاک هەمان ژینگەنادۆستانن و بکوژانی ژیانن کە بەهەویان خاکی و مەوتەنی نەورۆزی پیرۆز بکوژن و نەهێڵن ژینگەیەک دروست بێت کە بتوانێت کاوەکان تێدا پەروەردببن .
ئازادیش هەمان سروشتێکە کە کاوەی سەردەم بە سەرکەوتن بەسەر زوحاکی ژیان کوژ دەی پارێزی و نەورۆز ئاسا سروشتی نەورۆز خوڵقێن دەپارێزی و ئەم سروشتە جوانە بو وەچەکانی داهاتو دەپارێزی و کاوی شۆرشگیر هەر پڕ واتا دەمێنێتەوە.
وەرن با پێکەوە نەورۆز بکەینە هێمای ژیان و نوێبونە و خۆشەوستی بو وڵاتمان.
وەرن با کاوە ئاسا بۆ وڵاتمان تێبکۆشین و ژیانو ژینگە دەست لە دەستی یەک پێکەوە بپارێزین.چون نەورۆز خۆی یەکبوونە ژیانە بەردەوام بونە.
نەورۆزتان کاوە ئاسا.
ـ تەواوی مەقالاتی ناردراو بەیانگەری بیروبۆچونی نووسەرانی ئەو مەقالانەیە.
