ئاخۆ قابڵەمەی مز بۆ دابینکردنی مزی پێویستی جەستە یارمەتیدەرن؟
مس بە شێوازێکی بەربڵاو لەنێو خواردنە جۆراوجۆرەکاندا هەیە.بۆیە پێویست ناکا بۆ دابینکردنی مسی جەستە قابڵەمە و مەنجەڵە مسینەکان دەکار بێنین.
کێشە و گرفتەکانی قابڵەمە مسەکان:مس کاتێک دەکەوێتە بەر گەرما، بە ئاسانی بەرامبەر بە مادە خۆراکییەکان کاردانەوەی دەبێ و لە درێژخایەندا جەستە تووشی ژەحراویبوون دەکات (شڵەژانی گەدە، ڕشانەوە، زگچوون، سەرئێشە و کێشەی خەوتن).
دەکارهێنانی بەردەوامی قابڵەمەی مس بۆ چێشت لێنان، دەبێتە هۆی سازبوونی کێشە لە کار و ڕەوتی جەرگ، کێشە بۆ وەرگرتنی کەلسیۆم و ئاسن، کێشە بۆ سازکرانی تۆپەڵە سوورەکانی خوێن(RBC) و هەروەها کێشە بۆ کار ڕەوتی کۆئەندامی ئیمەنی و پاراستنی جەستە.
ئۆکسیداسیۆنی قابڵەمە مسەکان زۆر مەترسیدارە.
قابڵەمە مسەکان لەگەڵ تێپەڕینی کات و بەرەبەرە ڕەنگیان بەرەو سەوزی خۆڵەمیشی دەچێ کە نیشانەی کاردانەوی ئۆکسیداسیۆنیانە.کەڵک وەرگرتن لە قابڵەمە مسەکان، تەنیا کاتێک ڕێ پێدراوە کە بە توێیەک کانزای دیکە وەک زریچ یان نیکل داپۆشرا بن و وەک دەڵێن سپی کرابێتنەوە.ئاخۆ قابڵەمە مسەکان زریچ لێدراوەکان بێ مەترسین؟
زریچ لێدان یاسا و ڕێسای تایبەتی خۆی هەیە و دەبێ بێ تێکەڵکردنی قوڕقوشم جێبەجێ بکرێت، بەداخەوە لەبەر گرانبوونی زریچ جاروبار لەگەڵ زریچ و قوڕقوشم پێکەوە تێکەڵ دەکەن و مسی پێ سپی دەکەنەوە.ژەحراویبوون بە قوڕقوشم زۆر مەترسیدارترە لە مس و لە درێژخایەندا دەبێتە هۆی خەسارلێکەوتنی مێشک، جەرگ و ئێسک. بۆیە سپیکردنەوە دەبێ لە شوێنە باوەڕپێکراوەکان جێبەجێ بکرێت.
بۆ ئاگاداریتانئەو خۆراکانەی کە چییەتی و بنەمایان ترش و ئەسیدییە وەک گۆشت، ئاڵوو، چەوەندەر، تەماتە نابێ لە قابڵەمە مزەکاندا ڕاگرن، هەروەها نابێ سرکە، ئاوی نارنج و ئاوقۆرە لەنێو قابڵەمە مزەکاندا بکوڵێنن.
چونکە توێ پۆشەنەکە (واتە زریچ) لەناو دەبەن و دەبنە هۆی دزەکردنی لەڕادەبەدەری مز بۆ نێو خواردنەکان و ژەحراویبوونی جەستە بە مز.
وەرگێڕ: ئەوین سەعیدی کارناسی ڕاوێژکاری خورد و خۆراکی دایک و منداڵ.
سرچاوە: توێژینەوەکانی دوکتور سەمیرا ڕەبیعی پزیشکی پسپۆری خۆراک و خواردن و ئەندامی ئەنجوومەنی خۆراک و خواردنی ئێران.
