نێچیرڤان بارزانی، سەرۆکوەزیرانی هەرێمی کوردستان پەیامێکی پیرۆزبایی بڵاوکردەوە و پیرۆزبایی خۆی ئاراستەی موسڵمانانی کوردستان و جیهان کرد و رایگەیاند، کوردستان بە‌رە‌و ئایندە‌یە‌کی گە‌شتر ھە‌نگاودە‌نێت
ئەمڕۆ سێشەممە ۲۱-۸-۲۰۱۸، نێچیرڤان بارزانی، سەرۆکوەزیرانی هەرێمی کوردستان لە توویتێکدا بەبۆنەی جەژنی قوربان پەیامێکی پیرۆزبایی بڵاوکردەوە و رایگەیاند “بەبۆنەی ھاتنە‌وە‌ی جەژنی قوربان، پیرۆزبایی خۆم ئاراستەی خانە‌وادە‌ی سە‌ربە‌رزی شە‌ھیدان، پێشمە‌رگە قارە‌مانە‌کان و موسڵمانانی کوردستان و جیھان دە‌کە‌م.سوپاس بۆ خۆڕاگری و کۆڵنە‌دانی ھاوڵاتییان”
سەرۆکوەزیرانی هەرێمی کوردستان دەشڵێت، کوردستان بە‌رە و ئایندە‌یە‌کی گە‌شتر ھە‌نگاو دە‌نێت
ئەمڕۆ لە سەرتاسەری هەرێمی کوردستان یەکەم رۆژی جەژنی قوربان بەڕێوەدەچێت، خەڵکیش لە بەرەبەیانییەکی زووەوە بەمەبەستی ئەنجامدانی نوێژی جەژن روویان لە مزگەوتەکان کرد و دوای ئەنجامدانی نوێژ، گەردن ئازاییان لەیەکدی کرد
